Тыдзень беларускай мовы і літаратуры і рускай мовы і літаратуры.
Традыцыйна ў лютым у нашай школе праходзіць Тыдзень беларускай мовы і літаратуры і рускай мовы і літаратуры. Вось і сёлета ён прайшоў з 18 па 23 лютага. Чаму менавіта ў лютым? Справа ў тым, што 21 лютага кожны народ адзначае Дзень роднай мовы.Зараз у нашым рознакаляровым і рознагалосым свеце налічваецца больш за шэсць тысяч моў. Палова з іх пад пагрозай знікнення. Дзеля захавання моў, якія апынуліся пад пагрозай знікнення, міжнародны фонд UNESCO абвясціў гэты дзень днём роднай мовы.
У мерапрыемствах Тыдня прынялі актыўны ўдзел вучні і настаўнікі школы. Праграма тыдня ўтрымлівала разнастайныя формы і метады вучэбнай працы. Вучні маглі выбраць накірунак дзейнасці, які больш блізкі іх стану душы і паказаць свае здольнасці ў пэўнай галіне.
Мерапрыемствы Тыдня садзейнічалі развіццю інтэлектуальных магчымасцей вучняў, іх творчых здольнасцей, выхаванню любові і павагі да роднай мовы, падтрымлівалі цікавасць да яе вывучэння.
