Не правакуйце трагедый! (Салігорскі раён)
Вясна ўступае ў свае правы. Хаця па начах тэмпература апускаецца ніжэй за нуль, але днём сонейка прагравае, і ў сталічнай вобласці ўжо фіксуюцца выпадкі загарання сухой расліннасці.
Дарэчы, летась на Салігоршчыне зафіксавана 112 выпадкаў загарання травы і лесу. У асноўным яны былі на невялікіх плошчах і аператыўна ліквідаваліся. Прычынай загарання застаецца чалавечая абыякавасць: пакінутае без нагляду вогнішча, выкінуты непатушаны недакурак, шкляная бутэлька і г.д. Канешне колькасць загаранняў магла б зменшыцца, каб з восені ўласнікі зямлі наводзілі на ёй парадак.
Для таго, каб пазбегнуць бяды, варта выконваць наступныя рэкамендацыі:
– Ніколі не выпальвайце траву: акрамя таго, што гэта шкодна для раслін і жывёл, палы могуць быць небяспечнымі і для чалавека;
– Калі заўважылі пажар – не праходзьце міма: магчыма загаранне вы зможаце патушыць самастойна. Полымя можна збіваць галінкамі дрэў ці засыпаць пяском. Патушыўшы загаранне, не пакідайце месца да таго часу, пакуль не пераканаецеся, што агонь не ўспыхне зноўку. Калі разумееце, што загаранне патушыць самастойна немагчыма – тэлефануйце па нумары 101 ці 112.
Паліць смецце на сваім участку можна, але пры гэтым патрэбна выконваць элементарныя правілы бяспекі. Дарэчы, рабіць гэта можна толькі ў бязветранае надвор’е. Вогнішчы варта разводзіць як мага далей ад пабудоў, лесу і сцірт саломы і сена. Пад рукой трэба мець вядро з вадой, рыдлёўку і граблі. Якія я ж павінны быць адлегласці? Адказ на гэта пытанне вельмі просты – 8 метраў ад пабудоў, 20 метраў ад лесу і 30 – ад сцірт саломы ці сена. Мангал ці грыль устанаўліваюць на адлегласці як мінімум 2 метры ад пабудоў.
Заўсёды памятайце, што за выпальванне сухой расліннасці прадугледжана адміністрацыйная адказнасць.
